مات الكلام
by ArCh Nonna on Tuesday, May 29, 2012 at 10:31pm ·
مات الكلام
مات السكوت
حتى الأمل
مبقاش له صوت
زاد الالم غطى العلم
وملاه سواد
زاد الألم غطى العلم
خلاه ف حداد
مالك يا مصر يا ام الوداد؟؟
بنتيلنا حلم
اصله سراب !!
مالك يامصر سبتي الولاد
يتدارو تحت التراب!!
طاطي راسك كالنعام
وانتي شايفة عضمهم
ينهشو فيه الكلاب !
وطي راسك كالنعام
واثبتيلهم باحترام
واضربيلهم ميت تحية
واضربي مليون سلام
اصل مرة ,, كان فيه ثورة
وعليكي خير ,, هه دي بقت كلام !!
صدقيني !!
انتي فيكي الأصل " باتا
والحياة ماشية تباتة
شفتي ثورة
قامت معاكي خافت عليكي
من الشحاتة
رحتي واخداها لحرامي
مشيتي بيها
تاتا تاتا !!
يعني تنفع عملتك ؟؟!!
طب انتي طلقة بالتلاتة
وخلاص كده
مات الكلام
حتى السكوت
سبتيه يموت
مات الامل
مبقاش له صوت
يبقى الحياة
لازم تموت !!!
