يا رايح روح وخدني الله يخليك معاك

السلام عليكم

واخيرااااا خلصت خلصت ثانوية عامة اااااااااااه وهدخل الجامعة باذن واحد احد

بس بجد نفسي انزل مصر اوييييييييييييييييييييييييييييييييييييييييي

4 سنين يا جدعاان مشوفهاش

ده يبقى حرااام مشوفهاش

كل سنة اجري عالناس اتحايل

ياناس اللي رايح ياخدني

على بلد الحبايب والغاليين

على بلدي اللي فيها المحبوبين

على الزرعة والخضرة والطين

على لفة الساقية

على اللمة الباقية

على حنان زرعه فيا السنين

على شوق وحنين

امانة اللي يروح يسلملي عليها

ويبوس لها الخدين والجبين

وسنة ورا سنة

وتزيد السنين

واخيرا هروح وهشوف

وهلف واطوف

على الصعيد وجمال اللي فيها

وطيبة الناس الطيبين

على اسوان والسد العالي

وكفاح ونضال السنين

على اسكندرية والبحر الجميل

على شطه اشكي احزاني والانين

او افرح وانبسط

وفوق السحاب اطير

واطير واطير واطير

ونفسي الحلم ده يتحقق

او يبقى طوييييييييل

ومحدش يصحيني بقى

ههههههههههههههههههههه

بجد بس بيقولوا مصر اتغيرت
والناس اتغيرا
يا ترى ويا هل ترى ده صحيح
ولا بينضحك علينا
بيقولوا انها بقت زحمة اوي وكتر فيها النشالين والحرامية
انا عمري ما رحت القاهرة قبل كده ومش متخيلة شكلها هيكون ازاي
طول عمري عايشة في الصعيد وسط الزرع
وسط الخضرة
بس برضه بيقولو ان الصعيد بقى مختلف كمان
ايه ده يا ناس

حد يطمنيي بجد
بس مش مشكلة
يكون فيها اللي فيها
بس احضنها واشوف اهلي وناسي وحبايبي وقرايبي
يللا رغيت كتير
حد يحجزلي بقى انا جاية وهشوف اهو وسعولي بقى
ان شا الله آجي على طيارة ورق :(

خلصت ثانوية عامة هييه :)

السلام عليكم

وحشتني يا عالم التدوين

مش مشكلة اديني رجعت من تاني

هي الثانوية العامة بتعمل كده في البشر

بس باذن واحد أحد هكمل يعني هكمل

بس دعواتكم بقى معاياا النتيجة تظهر

وأغني انا ناجح في الثانوية

وآجي مصر بقى :)
:)

رقصة الدمى ..

ترفع الستارة

في مسرح العرائس

فتظهر الدمى

معلقة بخيوط بيضاء

خيوط الأمل

خيوط الوفاء

لتبدأ في التمايل

في رقصة الحياة

وتدور وتدور

دوامة كالمياه

لا تعرف البداية

لا تعلم النهاية

فتقع في المنتصف

على أرض بلون السماء

وتنهار الأسقف

وتنقطع الخيوط

وتذبل الأشجار

وتصبغ الملابس

بدمعة سوداء

وتقف الجماهيرتصفق..

لرقصة الدمى

لرقصة الدماء..

وتسدل الستارة..

الحمراء

3/3 يوم منحوس ..

3/3 يوم منحوس ...

ده اسم الأغنية المنحوسة اللي صحبتي غنيتهالي يوم عيد ميلادي
اللي هو يوم 3/3 .. ما علينا المهم من كتر النحس فعلا كان يوم منحوس
حصلت فيه حاجات كتييييييييير اويي متهيألي الشهر كله بقى منحوس مش اليوم بس

كانت بداية من اني اتحط في مواقف مش هي ومع اعز الناس لياا
في أغلب الاحيان الواحد مبيحبش يخسر اعز الناس لقلبه وخصوصا الأصدقاء .. بجد الاصدقاء دول نعمة الواحد لازم يحاول يحافظ عليهم مهما حصل وبرضه لازم يحاول ميخسرش حد فيهم .. يمكن يكونوا في بعض الاحيان غلطانين .. لكن لازم نسامحهم ونعرفهم غلطهم .. وده اللي حصل معايا عموما مخدتش حاجة من الشهر ده غير الخناقات والعياط .. بس فعلا صحابي حسوا بيا وبقوا يعملولي حفلة كل يوم لحد ما انا زهقت ذات نفسي ههههههههههههههههه ... عموماا انا حابة اهديلهم الأغنية دي اللي انا بحها جدااااااااااااااااااااااااااااااااااااااااااااااااااااااااااااااااااااا

قضينا أجمل وقت في حياتنا ..

دايبين في بعض بحكاياتنا ..

وفرحتنا .. بلمتنا ..

نروح ليه..

وانا كل ما عمري يعدي.. ونقابل بعضنا

أحس كأن انا عندي... يجي 16 سنة

أفتكر امبارح ادمع..

حافظاه وممكن اسمع..

نفسي الأيام دي ترجع..

ونتلم كلنا..

أعز اصحاب

هم اللي وقت مايتطلبو قصاد الباب

أعز احصاب

أوقات يدوبوا ويتقلبوا في ثانية احباب

قعدنا أكتر ما قعدنا في بيتنا

سافرنا ورحنا وجينا وبتنا..

وانا كل ما عمري يعدي ونقابل بعضنا

أحس كأن انا عندي يجي 16 سنة

افتكر امبارح ادمع..

حافظاه وممكن اسمع..

نفسي الأيام دي ترجع ..

ونتلم كلنا ..

أجدع صحاب

صحابي من صغري..

دول اللي يمشوا معايا دغري..

دول أغلى ناس هم الأساس

واقولكوا ايه ...

قضينا أجمل وقت في حياتنا

دايبين في بعض بحكاياتنا

وفرحتنا ...بلمتنا

نروح ليه ...

وانا كل ما عمري يعدي ونقابل بعضنا

أحس كأن انا عندي يجي 16 سنة

افتكر امبارح ادمع ..

حافظاه وممكن اسمع ..

نفسي الأيام دي ترجع ..

ونتلم كلنا.....

بحبكم في الله

ابدأ منييييييييييييييييييييييييييين؟؟؟؟

مش عارفة ابدأ منين صراحة

دايما بحس ان الصورة دي فيها احساس عمييييييق اوي

وكلام كتيييييييير صعب يتقال

بس يتحس

بحسها جواها اسرااااااار واحزاان كتيييييير

ونفسها تعيط لكن دموعها مش نازلة

بجد حسيت بنفسي

انا زيها

اي نعم مش في الشكل

بس في قلبي كلام كتيير باكون نفسي اقوله

بس بلاقي انو صعب يطلع

حتى دلوقتي مش عارفة ابدأ كلامي منين

هل أبدأو من النهاية

ولا ابدأوا من النص

ولا ابدأو من البداية

على كل حاال

مفيش كلام اصلا يتقاال

غير حاجة واحده

اني بحب كووووووول النااس في الله

وعمري ما كرهت حد

وربنا يديم المحبة دي

بس بيزعلني الناس اللي بتفكر غلط

وتفسر التصرفات اللي بتكون بحسن نية

على اساس سووء النية

يللا كل واحد بقى ونيته

مع السلامة

خلصت يا جدعاان وشخبطت عالورق الفاضي ..

خلصت يا جدعان // واهو مفيش مذاكرة تاني // قفلت كل دفاتري وكراريسي وكتبي وشخبطت عالورق الفاضي ..


بس المشكلة اني مش عارفة لما اشخبط عالورق الفاضي هكتب أشعاري فين مش مشكلة تتدبر

المهم ان الواحد خلص من هم المذاكره وهياخد اووف كده منها مدة 3 أسابيع
وربنا يستر من النتيجة .. دعواتكو معايا بقى

1/1/2009

خلص دفتر 2008 وهنبدأ في دفتر جديد كله أوراقه بيضه صافية مش متسطرة وهنبدأ كتابة بقلم رصاص عشان كل اللي يدايقنا لو كتبناه نرجع نمسحه من عالكراس ومن على قلوبنا ....ومن عقولنا هنحاول نعيش في حالة زهايمر بس لكل اللي يزعلنا ... وقلوبنا هنخليها بيييضه زي الورد مش هنزعل ومش هنتقمص ... 2009 هنبدأ سنة جديده وبدايتها كنا فاكرين انها هتكون حلوة لكن للأسف بدأت بحصار غزة الى آخره... اللي انا مستغرباله اني لحد دلوقتي مش مصدقة ان 2005 خلص ف ازاي دخلنا على 2009 بالسرعة دي.. يااااه السنين بتجري بسرعة ولازم الواحد يجري وراها يا اما يلحقها ويتشعلق يا اما تفرمه تحت رجليها .....حياتنا دي زي السكة الحديد .. فيها القطر بيعدي .. ويعدي كل يوم جديد .. لكن عمره ما يهدي.... عامة آدي سنة جديدة هتيجي هنسيب القديم ونفكر في الجديد هنعيش ولاد اللحظة مفيش ماضي ومفيش مستقبل .... احنا ولاد الحااضر تفكيراتنا كلها هتتغير هنعيد تخطيط الجمل من جديد وهنعمل جدول لحياتنا .. جدول كل أيامه يوم 1/1/2009 لحد ما تيجي 2010 ساعتها هيتغير تاريخ الجدول بس....وفي النهاية أوجه رساله لسنة 2008 :...مع السلاامة والقلب داعيلك، ومتنسيش انك في آخر أيامك اتأذى فيكي الكتير بس احنا قلوبنا صافية هنقول مش مشكلة .... مع السلااااامة وهنبدأ السنة الجديدة بابتسامة هتكون ليها معاني كتيرة.. ابتسامة أمل...ابتسامة خوف... ابتسامة فرح ... ابتسامة حزن ... ابتسامة جنووون ... ابتسامة حريــــــــــــة.......