جرب :)

جرب ف يوم تختفي عن العالم اقفل موبايلك واقفل اكونتاتك ومتكلمش حد ومتردش على حد ,,  واكتب ف ورقة صغيرة توقعاتك عن الناس اللي   هيسألو عليك ويهزأوك على العملة دي  ,, واللي  هيلاحظو غيابك بس مش هيسألو عليك غير لو انت سألت,, واللي مش هيسألو عليك,, واللي مش بيلاحظو وجودك اصلا علشان يلاحظو غيابك..

وبعدها بمدة كده جميلة ادخل تاني ,, هتزعل لما تلاقي الناس اللي كنت فاكرهم هيسألو عليك مسألوش ومدوروش وملاحظوش غيابك ,, لما هتلاقي كل حاجة عكس توقعاتك ,, ساعتها فكر انت لو كنت مكانهم بتدور عليهم ؟؟

وهتفرح لما تلاقي اللي مكنتش متوقع يدورو عليك بيسألوك انت ليه بتختفي كده ساعتها برضه فكر فيهم ومتحاولش تخسرهم ,,

اما انبساطك الاكتر لما تلاقي ناس مش مكتوبين ف اللستة وبيدورو عليك برضه حافظ عليهم