أبراجنا وأبراجهم

أبراجنا: العباده - الحب - الايثار - التعاون - الثقة - المسئولية - الاحسان - العطف

أبراجهم : الحوت - السرطان - الأسد - الميزان - الثور - القوس - الجوزاء - العقرب

أبراجنا : مجرات في قلوبنا

أبراجهم : مجرات في الفضا
أبراجنا: الكل= انسان

أبراجهم : الكل = حظك والأيام

أبراجنا :نعيش في واحد ونحب التاني

أبراجهم: نعيش في واحد ونكره التاني

أبراجنا: معانا طول السنة

أبراجهم: محدد في عيد ميلاد

أبراجنا: ضاعت مننا

أبراجهم: طغت علينا

أبراجنا:مش بنفكر نلاقيها

أبراجهم : غيرت معاني أبراجنا في عنينا

أبراجنا : انسوها لانها بقت دقة قديمة

أبراجهم : حتى وان طال الزمن زي ما هي

أبراجنا : يا ريت ترجع

أبراجهم :يا ريت تروح

والسلام عليكم ورحمة الله وبركاته

احنا في زمن العولمة

احنا في زمن العولمة

فيه الحروب دي ملزمة

يا تكون باشا

وتعيش في قصر

وشياكة آخر هندمة

يا تكون شباب

تتحدى العصر

وأصول آخر جدعنة

شوف الحياه دي يا معلمة

سيجارة وكاس

يادي الهنا

وصحاب يجيبوا المشئمة

اشرب كاسين

وانسى اللي فات

وانسى الحبايب والضنا

وانسى اللي عاش

وانسى اللي مات

واسكت وبطل برطمة

واشرب سيجارة

وعيش في غارة

شوف دبايح الملحمة

يادي البتاع

يادي الصداع

حتى في كلامنا مغرمة

عايز تعيش

عيش سهتنة

عاوز تموت
موت هيمنة

هجص وبيع

اشرب وصيع

نفسك عزيزة مكرمة

مش هي ديه العولمة

لا دي حكاية مسلمة

احنا في زمن المعلمة

كسبتي الرهان

دمع الحزن ويا الفرح
ضحك الفرح ويا الدموع
نزرع ورده شوكها طرح
نقتل فرحة تضوي الشموع
قابلنا الدنيا بابتسامة
شقلبت بينا الكيان
قلنا نمشي بالكرامة
قتلت في قلوبنا الحنان
قابلنا الدنيا بالعبوس
زادت الاحمال علينا
وفضلت عالنفوس تدوس
كأننا احنا قسينا
ايوة يا دنيا أنا بعاتبك
أيوة يا دنيا انا كنت صاحبك
اه تعبت اه اتخنقت
اه انتي لعبة محدودة الوقت
اه وبعلن اني مغلوب
وعداد ايامي محسوب
معدش يفرق تيجي الشمس
أو تغيب وقت الغروب
اه خلاص فزتي الرهان
واثبتي ده ..بالبرهان
اتراهنا مين هيكسب
ومين هيحقق أماني
اتراهنا مين هيسحب
من رصيد فرحة التاني
اتراهنا مين هيمرض
مين هيقبل بالإهانة
اتراهنا مين هيعرض
مسرحية الاستكانة
كان كلامي حرف واحد
وسط آلاف الحروف
مش هقول انا شخص جاحد
انا بس مجروح من الظروف
يا دنيا انتي تعبانا
ولا احنا بس اللي تاعبينك
وكمان بالهم زايدانا
ولا بهمنا زايدينك
ده انتي حتى بايعانا
واحنا بنقول شاريينك
قلنا انك دنيا حلوة
بس اللي حبك وفاهمك
ومخدناش في ايديكي غلوة
واخترق عقولنا سهمك
بصي من الآخر هقولك
مش هعيش تاني في وهمك
عشنا شفنا المسرحية
مثلتي الدور ..ببراعة
شفناكي جامده وقوية
وشفنا فيكي المياعة
شفنا فيكي قطة ماكرة
وكرامة الأشخاص مباعة
وان قلنا هنعيش لبكره
يبقى موتنا في ظرف ساعة

خد ايدي من ابويا.. لا هاتيها انتي

--------------------------------------------------------------------------------
بسم الله الرحمن الرحيم
كان يا ما كان ... كان بيحصل أيام زمان .. في أي وقت وأي مكان...وفي حاضرنا ومستقبلنا كمان.... لحتى كان..

كان فلان ابن فلان ماشي في الشارع..شاف فلانة الفلانية برضه ماشية في الشارع!!!!راح بصلها بصتله....
ضحكلها وضحكتله....
كلمها وكلمته....



اتولد بينهم حب جديد من الشارع..وقعد يمشي معاها 3 شهورحبة على كبري قصر النيلوحبة ترمس ولب وسيما ومناديلقالها مقدرش ابعد عنك مقدرش اعيش من غيركقالت ولا انا ده انا حبيتك ومعاك في سيركقالها طب نعمل ايه ؟؟؟؟؟؟؟؟؟؟؟؟؟؟؟؟؟



قالت روح خد ايدي من ابويا...بس هي عنده غالية شوية وتتاقل بالدهبقالها انتي عارفة ظروفي ده انا باخد من ابويا مصروفياديني انتي ايدك دلوقتي واهي ارخصولما يفرجها ربي ارجعهالك واخدها من ابوكي باغلى الاسعاروفلانة ما صدقت سمعت لكنبرضه لازم تفهمه انها مش رخيصة اوي كدهقالت تعمل حبتين بس من جوة نفسها ومنى عينهاقالتله لا ده ابويا يقطعني مش ممكن مقدرشقالها وايه يعني ما هو مش صدريله الطرشقالت لاقالها يبقى مش بتحبينيولا تتمني تحضنينيقال لا خلاص انا موافقةبس علشان بحبك يا .... ولا بلااش





وضربوا ورقتين عرفيوبعدها بشوية كده فلانة لقت نفسها امام الامر الواقع وحاملتروله تقوله يا ابن الحلال اتصرف يقولها والله ما اعرفانتي اللي جريتي وراياوحبيتي تكوني معاياتقوله لو اختك حصلها مثلييقولها اخرسييياختي اشرف منك وممشيتش ورا حد تروح فلانة لاهلها وتعترفكام قلم على كام شلوط على كام لطمة عالخدودويتمنوا تكون نهاية العمر الممدودويسمعوا خبرها قبل ما يحسوا بصدمة بلا حدود
يقعدوا يفكروا هيتصرفوا ازاايوالحزن يعزف لهم الحان الناي
حاولوا يتهاودوا مع فلانلكن ميقبلش يروحوا لعلانعيل عبيط مبيفهمش
يجوزوهالو الصبحويطلقوها بالليلوبعد كده ولا كانه البت عملت حاجةوتعيش في بيت ابوها مش لحد محتاجةمرفوعة الراس معززة مكرمة
اهلها افتكروا انها مظلومةوقالوا ان الحكاية محسومةوخافوا على سمعتهموعلى جيرانهم وبيتهموحلوا المشكلةوفجروا قنبلة
وقالوا تصبحوا على خير

ونامو وعاشوا بخير

وتوتة توتة

وتتعاد الحدوتة

والله يسترعلى بلدنا

من العادات المشحوتة

في بيتنا.. صرصوور

بسم الله الرحمن الرحيم
في أحد الأيام.. بينما كنت منهمكة في ترتيب المنزلإذ بي أرى صرصوورا وكان بين الحياة والموفقررت تركه لحال سبيلهفجاءني في اليوم الثاني وأخبرني انني معزومة في بيتهم المتواضع لأنني ساهمت في انقاذ ابنهم الوحيد !!!
ولأن فضولي دفعني ان اعرف المزيد عن هذا العالم .. وعن هذه الكائنات الصغيرة التي نخيف الأحجام الكبيرة من البشر .. والتي تطارد دائما بالشباشب والقباقيب ( ولا كانها شجر الدر عند مقتلها)
المهم فقبلت الدعوة
لاعلم اين يسكنون وربما لعقد معاهده معهم ان يتركوا لنا المنزل مقابل ان نعطيهم بديل عالنيل!!!
ذهبت لأجد انهم يسكنون البوتجاز بتاعنا .. وطبعا لم أستطع الدخول
وقلت خليني اكلمهم من برة... بدأنا النقاش وتحدثنا في كثير من المواضيع الحساسة (وهم فعلا طلعوا غلبانين اويي)
طوابير العيش عندهم اكثر من عندنا بكتير بدرجة ان تلت ارباعهم بيضطروا لسرقة العيش من بيوت البني آدمين!!!!
بعد ذلك انتقلنا للحديث عن المسكن.... وسألتهم عن سبب جلوسهم في بوتاجازنا متحملين حرارة الانبوبة الملتهبة
ولم يعيشوا في بلاعات الشوارع !!!
وجدتهم يشكون حالهم فيقولوا ان .. ان بلاعات الشوارع كلها مفتوحة على بعض وفي ذلك عدم مراعاة لحرمة البيوت
على أساس انه مبنفعش الصرصورة تعيش مع ابن الجيران في نفس البلاعة!!!!

وكمان أزمة البلاعات المغلقة في البلد .. وأيضا البلاعات المفتوحة عالآخر وكل يوم بيموت جيوش منهم بسبب وقوع البشر عليهم
وكمان السحالي والبرص المفترس اللي معندهوش رحمة
وقاموا معاه بمعاهدات سلام لعدم التعدي عليهم بعد كده بس طلع خاين ونقض العهد ...
وكل يوم ياكل صرصار او اتنين
قلتلهم طب ليه محاربتهوش .. قالو ان فيه فصيلة منهم قامت بخطف برصين منهم فهجموا عليهم واما استنجدوا بباقي الفصائل دعولهم بس !!!!
بجد صعبوا عليا
قلتلهم بس أكيد فيه بلاعات فاضية .. شكولي صعوبة الحاال ..بالرغم من ان ليهم ابن سفير الصراصير في امريكا
ومعظم قرايبهم رتب .. لواءات وسفير نوايا حسنة .. الا انهم مش قادرين يجيبوا تمن بلاعة وكمان فيه بياعين مفتريين
بيبعوا العقارات .. قصدي البلاعات ... بأسعار مرتفعة جدا فده زاد من نسبة اللاجئين في بيوت البني آدمين!!!
قالولي انهم مش فرحانين انهم عايشين على عرق البشر .. لكن الريس بتاعهم مش حاسس بحالهم
قلتلهم طب عيلتكم كلها رتب ازاي يسيبوكم كده
قالو انهم اتأسوا بالريس بتاعهم علشان اول ما مسك الرئاسة راح اتبرى من اهله

قلتلهم طب ليه معملتوش اعتصامات
قالو عملنا ولا يفيد
بجد صعبت عليا قعدتهم في الفرن من غير مكيف ولا حتى مروحة ولو خرجوا من البوتجاز هيتعرضوا لريد اللي اخترعته امريكا علشان تقذفهم بيه زي قنبلة هيروشيما
ودلوقتي امريكا بتحارب ايراان علشان بتخترع مبيد نووي لابادة الصراصير
خلصت قعدتي مع الصراصير لان اهلي في حاجة لعقلي !!!!
فقلت خلاص ومقدرش ادبرلهم بلاعة بسبب أزمة البلاعات في البلد وكمان بسبب غلو أسعار حديد (صرز)
ومشروع ابني بلاعتك بنفسك مش قادرين عليه لسوء الاحوال الصحية
لذلك اضم صوتي لزقزقتهم .. واناشد الرئيس بتوير البلاعات وغلق البلاعات المفتوحة وفتح البلاعات المغلقة
ونناشد الأستاذ (صرز) بتقليل سعر الحديد ونناشد بفتح مستشفيات حكومي للصراصير علشان يكون عندهم الصحة عشان يبنوا بلاعتهم بنفسهم
ويوفروا مرتبات العمااال
ولحد ما تتحقق مناشدتنا
هنقوم بحملة( اكفل في بيتك صرصار......بدل ما تأكل حمار)
(اكفل في بيتك صرصور.......وخلي الطابق مستوور)
وسلامووو عليكووو