السلام عليكم
يااه بقالي كتير مكتبتش حاجة هنا
الدنيا خدتني نستني الكتابة ونستني كل حاجة
*باركولي دخلت كليه هندسة مع ان طموحاتي كانت غير كده بس ربنا أراد كده
بس عارفين من تجربة الكلية دي اتعلمت حاجات كتيره
أهمها ::اني ارضى باللي قسمه ليا ربنا لان فيه غيري كتير مش لاقيين الحاجة اللي انا لقيتها
*اتعلمت اني مستعجلش في حاجة ومعملش حاجة دلوقتي انا معرفش مستقبلها ايه بمعنى اني اكون واقعية وبعيش الحاضر
مش بعيش الماضي ولا المستقبل بس ده ميمنعش اني افكر في حاجات ممكن ابني بيها مستقبلي أهم حاجة اني معملش حاجة في الوقت الحالي اعرف اني هندم عليها في مستقبلي
* اوحش حاجة لما تكون اديت أمل لناس بسيطة وتكون واثق مية في المية انك هتحققه ليهم وتلاقيهم فرحانين بيك وفجأة تلاقي ظروف هدمت الأمل ده بس تخاف تقول للناس دي تشوف الحزن في عيونهم يمكن اكون اتحطيت في الموقف ده بس الحمد لله ربنا حلهولي واتحقق الأمل بس في حاجة تانية
* أصعب احساس لما تكون بتضحك ومن جواك بتعيط عشان خايف تحسس اللي حواليك بهمومك
*عدى عليا اوقات كنت بحس اني حزينة جدا واوقات كنت بحس اني فرحانة جدا
*حياة الجامعة حياة مختلفة تماما محتاجة ناس تبدأ تتعامل بعقل ويمكن كمان محتاجين نتعامل بعقلانية أكبر من عقل جيلنا عشان نعرف نتعايش كويس هنقابل ناس كتير هنتعرف بس لازم نعرف ازاي نختار الناس اللي نتعامل معاهم ونكون معاهم صداقات
*اصحابي وحشوني جداا جداا بطريقة فوق التخيل بقينا كل واحده فينا في حتة بس اختلاف المكان ميمنعش ان احنا لسة روحنا مع بعضنا وبنحب بعض وبنفتكر بعض دايما بالخير وبنتقابل وكل حاجة حلوة بحبهم اويييي
* اتعرفت على صحاب جدد في الجامعة وبرضه بحبهم جداا لانهم محترمين ويستاهلو انهم يتصاحبو
انا كنت حاسة اني زهقانة فرجعت اكتب وبجد لما كتبت حسيت اني مرتاحة دلوقتي
يللا كفاية كده سلام
6 التعليقات:
نورتي المدونة من تاني يا نونتي وفعلا في الجامعة الواحد اتعلم حاجات كتيررررررررررررررر وشاف انماط من البشر مختلفة ..ومواقف عجيبة وغريبة
ههههههههههههههههههه
المهم انك رجعتي تاني تكتبي لان فعلا الكتابة بتريح كتيرررررررررر
يلا اقولك جود باي وتحياتي لكي
اول مره اعرف انك عندك مدونه
بس بجد الاستايل بتاعها رقيق وذوقه عالى اوى مشاء الله
على فكره يا نونا الزهق ده وحش اوى واحيانا كتير بيحصل من الكسل .. بنبقه محتاجين حد يشجعنا نعمل اى حاجه ان شالله حتى نقعد نلعب
لكن لو قاعدين لوحدنا وفى دماغنا عاوزين نعمل اى حاجه هنلاقى نفسنا كسلنا ومعملناش حاجه
ههههههههههههههههههه حبيبتي يا ايمان هو فعلا بتحصل حاجات كتير جدا كويس انك افتكرتي الميل :) هي فعلا الكتابة بتريح جداا جداا جداا نورتيني يا قمر
غير معرف بس معلش عشان مش عارفة الاسم يا ريت تكتبيه :) عشان اعرف بس
عندك حق والله الزهق حاجة وحشة اوي اوي بالرغم ان فيه حاجات كتير مسلية بس مش لاقيين اللي يشجعنا عليها
بس اوقات محتاجين ان احنا نشجع نفسنا عشان مش في كل حاجة نعتمد عالآخرين
نورتيني يا قمر بس اعرف الاسم
انا لبنى يا نونا بس نسيت اكتب الاسم والله ههههههههههه اصلى مش واخده على الرد ف مدونات سوهى عليا بقه :$
ههههههههههههههههههههههههههه ولا يهمك يا لولي المهم اني عرفتك وانك عرفتي تردي بس بعد كده مش تنسي االاسم مرة تانية :)
إرسال تعليق
آرائكم تسعدني :)